God jul!

"Hard mot hardt", sa kjerringa.
Ho feis mot tordenværet.

Måned"bildet":) Revytider på Nordfjord!

No var det lenge sidan sist...

Masse turar og fancy opplegg har fylt vekene til randen, og no står revyen på planen neste fredag. Eg følgde opp fjorårets posisjon og vart ansvarlig for plakat og diverse pr-greier, så denne veka har gått for seg foran pc-skjermen med unntak av pauseskitur første dagen. Fekk testa ut nyeskia mine og årets første skikkelige deilige pudder.

Dei to revyvekene står som eit av høgdepunkta i året, alle gjer sitt, kosegruppa spring rundt med vaflar og gir klem og massasje, ein gjeng bygge kajakk som alternativt opplegg, og nåken utvalgte reiste til Spania i staden for... Dei ulike gruppene gir alle sjansen til å gjere det dei vil, og kullet blir meir samanspleisa og positivt, digg!:)

Har endå ikkje klart å kave meg til ein elkjøpbutikk for å få fiksa kameraet... men skal få det gjort snart:)

Katastrofe!

Det manglar, som alle kan sjå, eit vekebilde. Dette må eg berre beklage. Men det har seg nemlig slik at på Statsraad Lehmkuhl skjedde det noko som ikkje skulle skje. Mitt kjære exilim exs500 bestemte seg plutselig for at etter bildenummer 8836 skulle det være nok. Sliten som det var, med treig linse og dårlig fokus, kom det opp på skjermen som rulleteksten i slutten av ein film, "lens error". Eg prøvde igjen og igjen. Men linsedekselet hadde sett sine beste dagar, og frå linsa kom det ikkje anna enn knirkelydar...

Kva eg kjem til å få til av reperasjonar vil tida vise. Ringte inn, men uten kvittering kom eg ingen vei... Kven veit, kanskje det blir nytt kamera...? Men uansett, dei vekebilda som eventuelt kjem ut framøve, er nok ikkje mine verk...

Veke(7)bildet!

Segltokt til Orknøyane

Etter ei roleg helg heime tok eg turen til Bergen for å borde Noregs største og eldste seglskute, Statsraad Lehmkuhl. Vel framme møtte eg resten av skulen som allereie var igang med oppropet. Sersjant Sverre roper opp og vi svarer med høge "hoi". Det er motvind og vugginga tek til umiddelbart etter kursendring vestover... Eit kvarter seinare ligg elvar og lærarar strødd utover på stordekk innan rekkevidde av spyrenna. Køen blei lengre ettersom dønningane skifta retning og kom rett inn forfra. Vi få som framleis var friske, holdt oss på trygg avstand på halvdekk og fordekk i frykt for stankens vrede. Eit drag av oppkastens aroma får den mest hardbarka sjømann til å vrenge magen...

Eg var på vaktlag rød, som hadde vakt frå 12 til 4 både dag og natt, vi sette segl, beslo segl, vaska segl og åt ekstremt god mat! hovudmasta er 48 meter høg, røylen, som er det høgaste seglet, heng på rundt 42 meter. Ytterst på dette seglet trengs det folk som kan feste det når ein ikkje brukar det... Heftigaste opplevelsen så langt!:)

Ellers fekk vi ein fin guida tur på orknøyane, og fant ut at været der er akkurat som vestlandets, men gonge 10... Det ekstremt ustabile været vart intet savn idet vi kasta los og sette kursen heimover. Vi ankra opp i fjorden ved skulen, og vart henta inn av småbåtar som kjørte inn og ut fortløpande. Turen var heilt konge, og eg kunne gjerne vore med nåken veker til! Opplevelse for livet!:)

Veke(6)bildet!

Splash!

Frå skitur den eine veka går vi over til surfing, boccia og sandslott neste veke! Tirsdagen reiste vi tidlig frå Nordfjord og endte opp i Hoddevika til meterhøge bølger, og den kulaste overnattingsplassen eg nåken gang har vore på.. Det var ingen tvil om at det var ein plass dedikert til surfeglade folk frå både nærmt og fjernt...

Nokre fekk på seg drakter og hoppa i sjøen straks. Vi var delt i to grupper, så mi gruppe måtte vente nokre timar på den første gruppa. Dødtida som oppsto mens den eine gruppa var uti sjøen brukte resten på sandslottbygging, boccia og millionærspeling i kjellarstova på "hotellet"..

Eg klarte etter ein del forsøk å stå ei bølge heilt inn til stranda og fekk smaken på surfing for fullt. Heldigvis skal vi tilbake to gonga til før jul, så her er mulighetane store!

No ventar Statsraad Lehmkuhl neste veke og vi ser fram til ein heftig tur med masse liv og klatring i dei 40-50 meter høge mastene!:)

Håvard Lothe!

Den siste tida har mine to brødre, Erlend og Torstein, spelt konsertar og gitt ut plate.. Mannen dei spelar ilag med heiter Håvard Lothe, og er å finne i alle plateutsalg, både på nett og i butikkane. For dei som likar roleg, mjuk og god kvalitetsmusikk, sjekk ut musikken og kjøp plata! Ligg foreløpig på 8. plass på vg-lista norsk, og på 32 plass på vg-lista topp 40!
Sjekk ut desse linkane:
---Heimesida
---Intervju og sang på btv
---God morgen norge, Håvard Lothe m/band (erlend på synth, torstein på bass)
Velg God morgen norge, tirsdag 4 sept...
"Stumble": 26.12
"Easily": 2.48.12

Veke(5)bildet!

Wosh!

Denne veka var vi på topptur for aller første gong, på ski! Dagen før fant vi ut at vi ikkje kunne stikke på den ro-turen vi hadde planlagt, så folk forbereda seg på ein roleg dag
... Men Eli (læraren vår) sa "oss hè ein plan!". Det var rapportert slaps på veiane øve Strynefjellet, så alle var enige. Vinteren var kome! Alle sprang stormande ut av storklasserommet i desperate søk etter ski som ville tåle ei ripe til eller frå. Nåken hadde snowboard, nåken hadde telemarkski, mens resten hadde lånt seg fjellski...

Stemningen var nådd eit høgdepunkt idet vi tråkka ut av minibussen, fjella var krittkvite og klar for å bli nedkjørt av ivrige skientusiastar. Legg merke til at eg skriv "...fjella var krittkvite...", for når vi kom ned igjen, hadde det meste av nysnø forsvunne... Men det var ein kongetur likevel, eg fekk smurt litt på den rustne telemarkstilen

Bildet er av Øystein som dessverre strakk kneet sitt litt den første turen, men heldigvis ingen alvorleg skade.

Ellers er folkehøgskulelivet topp og det har vore sjantisang og oppladning til Statsraad Lehmkuhl-turen!

Kaffe

No har eg tid til å skrive litt endelig... nettet har gått av og på i eitt denne første tida, men ein ting har eg lagt merke til dei få gongane eg har komt meg innpå, meiningsmålinga mi om kaffi fekk eit interessant resultat: 45% svarte "nei, kaffi er ikkje godt!", 35% svarte "ja, kaffi er godt" og resten svarte "kaffi er kun for kosen, hverken godt eller ekkelt"...

Sidan så mange avga stemmer i undersøkinga kan vi raskt skjønne at resultata kan representere Noregs folk med svært lita feilmargin. Det er godt å sjå at eg ikkje er den einaste ikkje-drikkande 19åring i dag. Etter å ha satt mine bein i matsalen her på Nordfjord folkehøgskule trudde eg at berre eit mirakel kunne hjelpe meg gjennom eit hardt år der kaffien flyt fritt og gruppepresset pressar sterkare enn nokon gong før. Men å sjå at størstedelen av noregs befolkning føretrekk eit reint liv varmar mitt hjarte og styrkjer motstandskrafta! Det er faktisk vi som er i fleirtal, så det er merkelig at det aldri vert snakka om gruppepress mot kaffidrikkarar...

Veke(4)bildet!

Åpningstur til Breidalen

Ja, då va året skikkelig i gang, og for å få ein smakebit på vekene utover året reiste vi på tur til Breidalen på tirsdag.. vi starta med å stige 800 meter opp til vår første leir på turen. Været var ustabilt, til og med tåka var rastlaus og dukka opp og forsvant kvart augneblink... men i løpet av natta snødde det, og neste dag vandra vi opp på 1300 meters høgde, vandra i nysnø og fekk smaken på vinteren og pudder...

I skrivande stund spring vi rundt for å få tak i ski til morgondagens topptur på Strynefjellet. Det går i fjellski, for vi venta ikkje ekstremt djup snø, og så har eg selfølgelig ikkje tatt med telemarkskia mine opp her endå... Jakka mi er òg ute av drift, og er inne til reperasjon hos bergans, så det blir spennande i måra når vi skal kjenne snø under skia!

Ellers står opplevingane i kø og livet er kanon!:)
(Laga ein slideshow exclusive for Breidalen-turen..)

Veke(3)bildet!

Spotlights..!!

Jepp, eg og Oddvar har spotlights (med dimmer selfølgelig!) på rommet vårt! Og ikkje nok med det, når vi går ut av rommet, skrur alle lys seg av! Når vi så kjem inn igjen, skrur desse seg på igjen:) Nøkkelen er eit kort, sånne som dei har på hotell, vi har to enorme skap kvar pluss hylla som heng øve senga... rommet kan nesten samanliknast med avisstova på framnes (stort)...


Men det er ikkje berre rommet som skal få sin plass i vekebildet, folka her e heilt kanon.. vi har ikkje hatt noko klassesamling endå, anna enn litt leik på ettermiddagen i går, men eg ser fram til heftige stunder i pudderen og kos rundt bål med ein klasse som er her av akkurat samme grunn som meg: ha eit opplevelsesrikt og avslappande år ilag med andre utan å måtte ha skulen hengande på skulderen!

Internett-tilkoblinga på rommet er endå ikkje oppe og går, så det kan bli litt lite oppdateringa framøve, men eg skal prøve!

Veke(2)bildet!

Her er vekebildet! 2.veke

Bortsett frå enkelte tura på jobb, har mesteparten av tida gått føre seg inne, foran pc og tv... Skal bli deilig å komme i skikkelig aktivitet igjen på folkehøgskule kjenne eg!

Været har ikkje akkurat hjulpe på hungeren etter friluft, vi måtte ause båten vår med ei stor balje for å sei det sånn... Ekstremt ustabilt vær har prega parabolsignala, så det har heldigvis blitt litt settlers og yatzy:)

I måra begynne resten av folka i huset her på skule og jobb, så då får eg ei roleg veke her heime for å lade batteria til opningshelga i Nordfjord!

Bildet er resultatet av gårsdagens vind og høljregn, utemøblane rulla både her og der...

Yatzy.. for voksne

Familien og eg sat i stova og såg på tv, "Festivalsommer, Øya-festivalen" på NRK... Det hadde vore ein heller tiltakslaus dag, og alle satt inne med den samme dårlige følelsen av å ikkje ha fått utnytta dagen på noko nevneverdig god måte... Mamma måtte øve på noko ho skulle synge neste dag. For å øve, måtte ho ha pianoet, og dermed heile rommet for seg sjølv. Vi såg på kvarandre med undrande blikk, "kva no?". Håvard var den som skulle komme ut med den tanken alle andre tenkte: "vi må spele eit spel!" Stemninga gjekk i taket, alle var enige, i kveld skulle vi spele eit spel! Men etter å ha planta beina trygt på bakken var det ein ny tanke som skulle gnage og slite i Mongstad´s hjerneceller: "ka skulle vi spele?"...

Settlers kjem som eit naturlig alternativ, men etter å ha knust både bror og kamerat sønder og sammen dagen før trengte eg litt meir utfordring enn det... "Poker!", nei, eg skulle opp tidlig på jobb neste dag...
Volumet på TV-en skrus sakte opp igjen...
"Det löser sig" rungar gjennom huset...
Mamma blir utålmodig, men rett før volumet når 14, kjem pappa brasande inn med osteskjeva i handa etter ein kjapp tur på kjøkkenet, "yatzy!". "Yatzy?" tenkte eg, "har jo spelt det så mange gonga før! Viss han ikkje kjem opp med nåke nytt og revolusjonerande innan yatzysporten, kanskje med avanserte og utfordrande spelemåtar, så gidd ikkje eg...". Eg trudde eg hørte ekko av meg sjøl, men der sto pappa og ropte ut "dette er nåke nytt og revolusjonerande innan yatzysporten, det tar i bruk avanserte og utfordrande spelemåtar, bli med!"

Vi letta på våre gluteus maximus og forflytta oss ein etasje ned. Mamma var fornøyd, vi hørte volumet sige ut og det siste klikket før skjermen blei svart. Vi sette oss like gjerne inn i studioet, då har ho definitivt ingenting å klage på!
Tankane mine var blanda, fylt med forventning og spenning, men óg med ein smule skuffelse av at vi skulle bruke kvelden på yatzy. Men allereie før vi sette oss ned, høyrde eg: "viss du får meir enn 5000 poeng, så é du ganske god!" Ai, skulle vi sitte heile natta for å få så mange poeng? nei, berre halve... Vi blir tildelt ei heil side maxiyatzykladdeark og må fylle ut diverse teikn og rekkjer... Vidare følgjer reglane:

Klikk for stor versjon

Må vere med:

5 terningar
3 kast kvar
Ingen kast- oppsamlingsmoglegheiter (for yatzykjennarar, svarte brikker...)
Yatzykladdeark (På grunn av at vi aldri spelar vanleg yatzy må vi bruke maxiyatzyark, men det er berre å stryke ut diverse kombinasjonar som krev 6 terningar...)

Dette er fri, og ikkje tvungen yatzy, med enkelte unntak som kjem seinare... altså når ein kastar, kan ein setje kombinasjonen kor som helst på "brettet" ditt
1 - Set inn brettet som vist på biletet, kvar spelar har sitt eige brett
2 - Ein spelar med alle rekkjene i bruk heile tida, men som vi ser, blir summen nedover i den andre rekkja gonga med to til slutt i spelet, rekkje tre med tre osv...
3 - på rekkje 4 står det ei pil som peikar nedover, denne rekkja blir spelt med tvungen yatzyreglar, altså ein må starte med einarane, så toarane osv
4 - rekkje fem fungerar motsatt, startar med yatzy, og går vidare oppover
5 - Rekkje seks må trillast på kast der ein trillar alle terningane samtidig, altså, får ein ein liten straight på eit kast, kan ein setje 15 poeng på den. Viktig: sjølv om ein ikkje får kombinasjonen på det første kastet, kan ein klare det på anten det andre, eller tredje, men ein må alltid kaste alle samtidig for å få den gjeldande kombinasjonen... Som vi hugsar frå pkt 2, vil summen i denne rekkja bli multiplisert med seks i poengtellinga i slutten av spelet. så det kan vere lurt å prøve å skaffe mest mogleg poeng her...
6 - Trillar om tur, høgaste tall startar

Tips:
-Det kan ta lang tid å tenkje på kva ein skal setje kombinasjonen på, så for å få fortgang i det, bør ein sende terningane vidare med ein gong ein har kasta ferdig...
-Ein sankar mykje poeng på dei siste rekkjene, prøv å fyll ut dei med høgast mogleg tallkombinasjonar
-Rekkje 1 er lite lønnsom å satse stort på, ofte blir denne brukt til å stryke...
-Kom tidleg igang med 4 og 5, bonus på femmar-rekkja er vanskeleg å få viss ein ikkje har ein del kast å kvile på... hugs at ein må uansett ha 63 p eller meir for å få bonus, (tre av kvar)


Runden var jamn, og definitivt hard og lang, med mange psykiske angrep frå både søster, bror og far... Men til slutt, etter å ha svetta ned studiorommet, gjekk berre ein kar ut seirande... Ja, det var meg, fekk t.o.m over 5000 poeng! 5168 for å være heilt presis... Fornøyd med meg sjølv krøyp eg til køys og drøymde om framtidige troféar og triumfar...

Må nemne at pappa og tre andre godt voksne barske mannfolk satt å spelte dette til langt på natt etter bryllupet for ei tid tilbake.. yatzy, liksom..

Yatzy for vidarekomne!:) (øyvind!!)

Veke(1)bildet!

Jeg tog min nystemte Cithar i Hænde,
Sorgen forgik meg paa Ulrikens top.
Tænkte paa Bauner om de skulde brænde
og byde Mandskap mod Fienden opp;
følede Freden, blev glad i min Aand
og greb til min Cithar med legende Haand.
følede Freden, blev glad i min Aand
og greb til min Cithar med legende Haand.

Ja, her ser vi forventningsfulle trøndarar som tenkte at dette skulle gå veien... men som vi alle veit, skulle det etter 90 min vise seg at det beste laget atter ein gong skulle ro dette trygt i havn!

I helga har eg vore hos Joakim, vi har vore på G-sport, innebandy, vannkanten, brann-kamp og truffe igjen folk frå framnes! kongehelg! Godt å sjå folk igjen før vi spres ut over alle kantar og viddar..

Vekebilde!

Her har eg ei greie som kunne ha vore kjekt å drive med framøve for å holde kvarandre oppdatert på kor du e og ka du drive med, og samtidig holde trafikken igang på bloggane. Eg og Rut har allerede holdt på med "Vekebildet" no gjennom sommarferien og skal fortsette med det så lenge som mulig!


Det funka enkelt og greitt sånn:
Ta eit bilde kvar veke, av kva som helst mellom himmel og jord, og legg det i eit innlegg på bloggen din..
Skriv nåken ord i tillegg, feks navn på bildet og i ka sammanheng det blei tatt!

Håndvask

Det går an å vaske klær for hand! Du tar faktisk berre vatn og vaskepulver oppi ein stor vask/balje, så gnir og vrir du ei stund..

Berre sånn i tilfelle vaskemaskina skulle streike...:)

Nei... skulle du ha sett..

Eg er ein slagen mann..
Måtte til slutt gi etter for presset..
Bloggen "knips" er ein realitet!